حــيّ جـيـلٍ يــا بلمـثـالـي

حيّ جيلٍ يا بلمثالي
عند شهمٍ شخّص أصوفه

طرّزه او عنّاه في الحالي
من ذهب ومزيّن حروفه

بان لي في فصره أمسالي
للهوى او معناه وصروفه

الغشيم ايتابع اللاّلي
يقصده ويواجه احسوفه

والخبير إيجسّ لحوالي
قبل لا يعنى لها ابلوفه

ما يبدّه صوع واهوالي
يفهم الواقع من ايشوفه

الملامح تلفت البالي
للنّبيه اتكون معروفه

ايشخّص الأشيا ولا يسالي
حذر عن لا تلحقه حوفه

للمحبّه طرقٍ اطوالي
عدلةٍ والبعض محروفه

تقصد الاشواق جهّالي
طامس الاعلام ما تلوفه

لو اتجدّ أو تبغى اتنالي
لغلبيّه إتخسر شوفه

للمودّه وصف ينقالي
ما يغتر عارف ولا ايطوفه

بشّةٍ من خاطر الغالي
تنبي الغالين ماصوفه

الهوى ما فيه متعالي
بين لمحبّين منصوفه