غرام السر

وحرمني راحتي ولذات نومي
شباب ومنه راسي اليوم شاب
هقيت انه على مثلي رحومي
ولا حطيت للفرقى حساب
غرام السر لا يمكن يدومي
وثلاث ارباع هالدنيا ذئاب
اذا شديت للتوبه عزومي
مابين ذراعه ضيعت الصواب
مدام الموت بالدنيا محتومي
ياربي انتشلني من الخراب
ياربي لا تقلل من عزومي
وجازيني على صبري ثواب
مابين الناس طيب لي علومي
اذا فارقت وغطاني التراب
لأني ماقويت احمل هدومي
وانا ادري ان تاليها حساب
ترى هالدنيا مو أكبر همومي
اخاف من الله واخاف العقاب
كثير اشياء مرت في حلومي
تقول:ان تالي هالدنيا ذهاب
غريق الحب مايعرف يعومي
خذله الحظ وعقه عند باب
فتح له الحظ درب لكنه ظلومي
مابينه وبين آخرته حجاب
انا صعبً عليه فيه الومي
وضياعه فالحقيقه من الشباب
احاول فيه اغير طول يومي
الين القلب هام وفيه ذاب