(يابو هيا ياللي لك السر ينباح
أبو محمد مانفع به طبيبه)
(به واهجاياخوك للقلب مجتاح
كثرة نزيفه مايخفف لهيبه)
(لاتحسب أن الشعرمن زودالأفراح
الله فرجها ياخويي يجيبه)
(لوشفت مابالقلب من كثر الاجراح
والله لتجرحك الجروح العطيبه)
(الله ما صابه من أسيوف وأرماح
ما هزت كم وأحدن ملتجي به)
(يصدها والشيب بالراس ما لاح
واليوم لاصعبة ولاهي غريبة)
(وأليا تشره لاجزاعه ولاصاح
يحز فيه اللي فراقه مصيبه)
(واللي يلومه جعل قصاف الارواح
بأعز ما ترجيه روحه يصيبه)
(يابوهياواللي كتبها باللواح
من دون أبوممدوح ناس عريبه)
(ماوأحدن من غيبته ناظري فاح
وش عاد لوراحت قبيلة عتيبه)
(ماكل من جا تفقد عنك لاراح
الارفيق منك نفسه قريبه)
(كم واحدن يتلا ذعاذيع الارياح
ولاورد جم الخفوق وقليبه)
(وأين الرفيق اللي له القلب يرتاح
اللي تحس بقيمته في مغيبه)
(ما أبي رفيق ينطح الجمع باسلاح
وقلوبنا ما بينهن حجيبه)
(ولا الرفيق اللي على السد شفاح
ولا رفيقا رفقته ملك جيبه)
(ياكثرخلان السعادة والأتراح
لكن شفي وأحدن بان طيبه)
(طبع الوفادايم على صدره أوشاح
وأبليس مقطوع بقوله نصيبه)
(قلبه لربعه كنه النور وضاح
والفعل تبرى به قلوبا صويبه)
(من شوفته عن قلبي الهم ينزاح
وأمن بقربه هم عينا رقيبه)
(يا وين هو؟ بالله هالوقت ياصاح
يامسندي دنياك هذا عجيبه)
(يطيرفيهااللي خلق ماله اجناح
والنورفيها صار شك وريبه)

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين