توادعنا وداع الموت وصرت اشم بي عطره
وداع(ن)يشبه النزعه لها بي حشرجات وصوت
ابد ما علموك الجرح له نزعه وله سكره
تعال اسمع صهيل الجرح دامه بالقهر منعوت
نزعت الحب من صدري بدون ادناتها فكره
وزرعت الآه في قلبي خيانه والخيانه موت
بكيتك والبكاء غصن(ن)ذبل ورده بلا قطره
ضحكت ولا دريت انك تجهز ورد مع تابوت
حسبتك فرحة الدنيا وأثاري بالحشى جمره
زرعتك في الوريد وقلت ابجني زنبقات وتوت
ولكني جنيت (الشوك) وزاد (الشوق) بي حسره
قفلت الباب من بعدي وطاحت بالمدينه بيوت
رحلت وعبرتي تجرح لأن الحب بي فطره
اخذت برحلتي دمعي زهابي والحزن لي قوت
تركت الناس والدنيا وشفت الكون وش صغره
لأن الجرح في صدري خنقني وصرت به مكبوت
خطيتوا اليوم في حقي خطاكم والخطا عبره
تعلمت الحياة دروس .. ودرسك بالحشى منحوت
رفعنا الصحف من فعلك وجف من القلم حبره
وكل(ن) فاز في حظه حظوظ(ن) والحياة بخوت
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.