ادري حبيبي بالهوى أول وتااااالي
ويدري حبيبي ماخذ الحب كله
تبرا جروحي يوم اشوفه قبااااالي
واسلى عن هموم (ن) نخت كل عله
انا اشهد اني له وهو لي حلاااالي
حبه سطى بالقلب بالهون تله
مير البخت عيا يتمم وصااااالي
عاند وفرق بين خل (ن) وخله
دارت علينا وفرقتنا اللياااااالي
وكل (ن) غدى يبكي على ما حصله
عزي لمن مثلي يفارقه غااااالي
يكثر بكاه وكل واحد يمله
وعزي لمن مثلي كوته الليااااالي
ما عاد يفرق بين شمسه وظله
الحب حبه مكسبي راس مااااالي
والدرب دربه عقبه ما حدن يدله
اموت لا جيت بمكانه لحااااالي
عقبه ترى ياشين دربه ومحله
قولوا له انه وسط قلبي وماااالي
في حب غيره .. قله يا فلان قله
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.