لبيه ياللي جرح قلبي غيابك زمن
لبيه لاعدت عدنا للطريق السوي
الحب رغم العناء صافي ولافيه من
يخضع له اللي من الاشواق به يكتوي
ارحب هلا بعد غيبه خافقي لك وطن
اسكن وطالع بعينك كل مايحتوي
مايحتوي غير حبك واسمعه بالاذن
بين المحاني بتسمع له رجيف ودوي
مازلت وافي بعهدي رغم كل المحن
اورغم بعض الهوى لي مربي فوضوي
ازمة وعدت علي ياللي بقلبي سكن
افتح شباك الهوى يا حبي الاولوي
الحب يا صاحبي اسلوب راقي وفن
نجمه على قمة العشاق يضوي ضوي
الحب ﻻ ستوطن الارواح ماله ثمن
نرخص له الغالي ومادونه بينزوي
خلك لغيرك ورب الكون مايحتظن
كيف احتظن حب منه القلب مايرتوي
انا المحب الذي في عشقتك افتتن
يمسي ويصبح وحبك له صديق وخوي
ﻻمر طيفك على بالي يهز البدن
وشعر بانك على روحي عشب ملتوي
خذها رسالة قوية وانته الها فطن
حبل المودة على ماهو وﻻينطوي
تسري لعينك هواجيسي بليل الحزن
تسري بنجم الجدي والذيب يعوي عوي
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.