انشد عن اخوالي وانشد عن الجد
أهل الكرم والمرجله والحميه
لي لابة من حد نجران الي نجد
تاريخهم معروف صبح وعشيه
أصغر ولدهم عن بني عمه يسد
تعرف علومه بالفعول الزكيه
ان جت علوم الجد حنا لها جد
مهما يصير حصون ربعي قويه
وان جت هروج الود من طبعنا الود
على العلوم البيّنه والخفيه
وان جا الحكي بالسيف ارواحنا الحد
ملجا لمن ضاقت عليه الفضيّه
ما جيت أغني بالقصايد ولاأعتد
الا لاني شفتها عنصريه
هم يحسبوني شاعره مالها حد
خبلان ما يدرون (قحطان) فيه
هم يحسبوني دون ربعي اباصُد
ياسخف عاقلهم وياغبن خيه
من لا افتخر في طيب أصله ولا عد
نزيف دمه ما يهم بسميه
كلن على ماقيل له عقلن يلد
والناس كلن له طبوع ومزيه
والله اني شعرة الوجه والخد
في عرض شايب صب له شاذليه
ارقى بقصيدي لا بنيته ولا أهد
ارفع مقامي دون ربعي وفيه
مدام كلن مقصده عضة اليد
ماهمني نبّاح قاصد اذيه
انا يميني وافيه مالها ند
ولا همني بعض العقول الغبيه
باب يجيب الريح من دونه السد
وعيبن علّي افتح من ابواب زيه
اما البحر وامواج جزره إذا مد
ارفع شكاتي عند رب البريه
يعرف باني دون بابه ولا اصد
عن طاعته مدام هالنفس حيه
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.