دخيلك

دخيلك وان بقى لي بيني وبينك كثر ما طاح
حبيبي لا تجيب لدمعتي في ضحكتك طاري

دخيل الهم والحسره وليل ٍ مكتسي بوشاح
دخيل الغيمة والمزنه وسحابة صيف اقداري

انا دمعة عيون ٍ تحتضر والباقيات اجراح
انا أعذاري إلى حد الصياح ونشرت أخباري

انا صوت الفقير وصرخة المحتاج ساعة صاح
انا اللي قصتي قصة رواها الطير والضاري

انا طفله كتبت اسمي علي هبّت هبوب رياح
حروف اسمي تبعثر بيت شعر ٍ للأسى عاري

انا صفحة من الماضي وتاريخ ٍ بدون ارماح
وأنا اللي في ميادين الحزن هزتني أعذاري

انا حتى عدوي لا لقاني/ حس فيني وراح
وعرف اني عرفت اني/ ( أشب النار في ناري)

كبرت بعين حسادي وجمري من رمادي فاح
وصغرت بعين إخواني بعد كبري لمصغاري

انا اللي عايشه في عالم ٍ همه بيوت أشباح
انا اللي نصفي الصاحي شكا من قل مقداري

انا الشهقة/ وأنا الونه/ وأنا اللي خاسره/ الأرباح
وهذي هي بقايا صمتي الخافي وأسراري

دخيلك كان لك رجعه دخيلك حطني بوشاح
واكتب لي على نعشي ( معاقة) ليلها الساري