المملكة خطٍ حمر - فالح فرج القحطاني

يا هاجسي لا تعتذر معاد لك مني عذر
هذا لزوم المفردات النادرة وإلحونها

وأنا بروض شرد القيفان وأصخرها صخر
وأرخي رسن بنت الفكر حتى تصل مضمونها

رد الخبر ياللي تجي للرافضة رد الخبر
بنفذ أحكام الشرع لو كان ما يرضونها

نحكم بمأنزل في كتاب الله على سيد البشر
والسنة اللي في الصحاح أعن النبي يروونها

يا شلة الإرهاب يا تباعة إبليس العور
للدار أسودٍ ما يهابون الخطر يحمونها

حنا ليا منا كسرنا العظم يبطي ما جبر
والروس نقطفها بحد السيف فوق أمتونها

المملكة وحدودها خطٍ حمر خطٍ حمر
أما نعيش بعزها وإلا الشهادة دونها

يا سيدي سلمان بن عبد العزيز أنت الفخر
يا قائد الأمة وذخر المسلمين وعونها

بالرائي تقدح من سطر والرأس يقدح من سطر
لك سطوة يا بو فهد كل العداء يخشونها

ومحمدين العز والنخوة مقابيس الظفر
سقم المعادي والمنايا فاللقا يردونها

وأختامها صلوا على المبعوث رحمة للبشر
والمملكة نحيا بها وإلا الشهادة دونها

© 2024 - موقع الشعر