حمر العقارب - فلاح الحميداني المطيري

دنّولي اللّي للّوازم يقرّب
أدهم حدب له نازح الدّار قارب

ليا ارتفع ضغطه بزيته تشرّب
واقعد على الطبلون حمر العقارب

يفزّ مثل اللّي عليه المهرّب
ممشاه فرق و في مقامه يقارب

كنّه اليا خمّ الطريق و تكرّب
مع ضيّق المجرى حصيل المسارب

سبّاح دوٍّ دونه القيظ سرّب
روس الروابي فيه مثل القوارب

عليه منيوبٍ من الشرق غرّب
حاديه هاجوسٍ هواه امتضارب

دربه يدلّه واتّكاله على الرّب
امليح(1) ميراده عذيّ المشارب

ينشد عن البيت القديم المعرّب
ماينتخفّى بيّنٍ بين اقارب

للضّيف من تأسيس فيصل مجرّب
تنصاه بالشّده طوال الشوارب

بيت الكرام اللّي صغيره يدرّب
يطلع خلفها من سلفها مقارب

متعبّ ولد عطّاف حدّ المذرّب
بالكون من يمناً تجيد المضارب

له عزوةٍ تعرف ولا تنتقرّب
تذكر وينسى غيرها بالمكارب

عنها النشّاما بالملاقا تهرّب
يعطون من عقب الوجيه الغوارب

أبي من الفعل القديم المجرّب
وقفة غضب ماهيب لاهل التجارب

© 2024 - موقع الشعر