مـن غبـت

من غبت عنّي دلال العشق مكفيّه
تجدب مزارع ضرمها وتغنّى له

لحفتها شرشفٍ يبري لها الكيّه
تمشي تراكى بحبّه وتحلا له

(...) دخيلك بشم يدين ورديه
سيد غرورك نسيمٍ ينتعنى له

(...) دخيلك أنا بعشقك هواويه
الناس رمضاء وعشقك دايم ظلاله

يالله طلبتك تظم القلب لاأوخيّه
أحس صدري صغيرٍ حيل لاأوماله

تخالف الفكر ماني بنت ذميه
عمري قضيته وأنا أفتل ميرس خلاله

ياطول صبري عقب لعب القمر فيه
يكفي عليّه يجرّح قلب يهنى له

منصاع قلبي عقب ماغاب عن فيه
وشلون أهلّي بغيره وأتغلاله

ان كان فرقا وليفي نارها حيّه
والله لولّع بحور الشعر لقباله

يدله خفوقي بسجّه من بلاويّه
لامن ذكرته يطشّ الغيم هماله

قافٍ أصوغه تقل عرجون برنيه
مظنون عيني تلفّع قطعة جلاله

أسعى بجهدي مدامه قاف حوريه
وأصبح حمامه تعلّى فوق منزاله