من زحام اهل المدينه للمدينه
نطلب الفتاح يقضي كل حاجه
والزمان بأي صوره عايشينه
عايشينه في استوائه واعوجاجه
والكفيف اللي عمت ضيقته عينه
ما يفيده لا الطبيب ولا علاجه
والدراسه تسرق العمر وسنينه
ما عرفنا في السياج الا السياجه
ننجح ونحمل ونمضي بالسفينه
والبحر نشرب قراحه من هماجه
والتخرج فرحته يا طالبينه
كالسجين اللي فرح يوم انفراجه
والضعيف اللي شهر سيف بيمينه
اطلقه عاللي يخافون المواجه
وا وجودي وجد من ما شي يشينه
ساهرن ليله بشاي وحب باجه
والشياش وقات وزقارة دخينه
خلها للي تعكر به مزاجه
والظهر لا انكسر من ثقل دينه
ما يعدله الفلبيني بمساجه
والعقل نعمه وللرجال زينه
ويا دنو اهل البلاده والرجاجه
اترك مصاحب جهالاتن عفينه
ما يعرفون الصقور من الدجاجه
والعزيز الحر ما في شي يهينه
غير غبن الوقت والمر وعجاجه
والرجل لا كانت عروقه متينه
يصبر وما ينكسر مثل الزجاجه
ما قهر قلبي سوى قصة حزينه
عاشقن في الحب ما يملك خراجه
يا الغرام اللي يزاملني حنينه
انتي الحب الوحيد ويا سراجه
شاعرك لا جمّع افلوس الخزينه
ما تكفَي للكتاب ولا زواجه
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.