ترحيبة قدرها بن وهيل - يالشاعر اللى تفنن باللحون - حسن عامر

ربان
.
سلام ردة تعافي للعليل - تشد وتشد لا لا يرتخون
وافي وعايش بعد ما خانية - لو قيل مغرور- رفرف ياعلم
والشاعر اللي يحب المستحيل - تسمع لصوته بليّا المكرفون
الدايم الله وخلقة فا نية - والناس بالدور- رفرف ياعلم
.
حسن عامر
.
.
ترحيبة قدرها بن وهيل - يالشاعر اللى تفنن باللحون
من راعى الاوله والثانيه - مايدعى زور -رفرف ياعلم
.مادام ربان صاير لى زميل - ليل السعد تم ياللى تلعبون
قبل الدقيقه تمر الثانيه - للعب جمهور - رفرف ياعلم
.
ربان
.
.
الك البقاء والقلوب الها غسيل - تسمع وكل الحضور بيسمعون
والحق للجار ولا العانية - ياقف بطااابور - رفرف ياعلم
.العلم ياصاحبي علم ٍ ثقيل - شق وحصل في طبقات الأزون
ولا الخشب خيزران وزانية - ماهو بمكسور - رفرف ياعلم
.
حسن عامر
.
.
ترى البلاجيك غير البو فتيل- العلم مفهوم ياللى تشرحون
والخيل تعدى مع الفرسانيه- للعلم دكتور- رفرف ياعلم
.قدوه وبين الكواكب ياسهيل - هات الدلائل وراهن بالرهون
والبنى ثابت على السيسانه - لو هو مية دور- رفرف ياعلم
.
ربان
.
.
الماء قراح ويجي ماء سلسبيل - أرفع ولاني مطالع دون دون
اصل الثمر والقطوف الدانية - في نبتت البور - رفرف ياعلم
مالك ومال السوالف والطويل - وزيادة الهرج واللي يملحون
والقوس دايم ويعطى حانية - علم ٍ ومذكور - رفرف ياعلم
.
حسن عامر
.
.
الداب يقرص ولو مافيه ذيل - والعرف يعرف من اللى يعرفون
واللى تعوذ من الشيطانيه - يمشى على نور- رفرف ياعلم
.يالله يافارض الشهر الفضيل - تغفر خطايا العباد الصايمون
وانصر فلسطين والشيشانيه - يارافع الطور - رفرف ياعلم
.
ربان
.
.
موتك بنظرة من الرمش الكحيل - والى مشوا قدم عيو ينكسون
حبلي وطاويه فوق السانية - ماهو بمقهور - رفرف ياعلم
من هو من الرسل ويسمى الخليل - قال الرواة اللذي له يحفضون
لكن وفّرق معيز وضانية - فايز و منصور - رفرف ياعلم
.
حسن عامر
.
.
ما للحمول الثقال الاشعيل- انصت مع العالم اللى ينصتون
والعرب قحطان والعدنانيه - قول ابن منظور- رفرف ياعلم
اللى بنى بيت ربه يالعميل- وابنه وجبريل عنده يلقفون
وفى الذاريات اكرم الضيفانيه - والعلم مشهور- رفرف ياعلم
.
ربان
.
.
مدري الكتيبه تشكل كم فصيل - ولا السرايا ترى ما يحترون
أنت الجنوبي وانا ربانية - شاطر ومشطور - رفرف ياعلم
الأجر لو تحتسب ماهو قليل - ربي ولا رد من له يرتجون
والذنب يا صاحبي من جانية - فاللوح منشور - رفرف ياعلم
.
حسن عامر
.
.
الكاتب اللى روى قصة عطيل- مدرى خبر جد ولا يفترون
والفرس ماتقبل الرومانيه - للصوت حنجور- رفرف ياعلم
من مرّ هداج لاينسى الصميل - لايرتوى بالحبال النايلون
ان كان له فى ورود الماء نيه - لايخلف الشور - رفرف ياعلم
.
ربان
.
.
ياصاحبي والكتابة ماتزيل - والناس تشره مع اللي يشرهون
القدر توه بعد ماهانية - ولاهو بممرور - رفرف ياعلم
اعرفك عارف لقدرك والدخيل - واشد حبلك مع اللي يعتنوون
وليا وردنا ترى شجعانية - منهج ودستور - رفرف ياعلم
.
حسن عامر
.
.
الله وكيلى ولا غيره وكيل- وليا غزينا نصحى النايمون
والنور يا صاحبى بيبانيه - وابليس مذعور - رفرف ياعلم
النجر نسمع لصوته والوليل - لاكن ماشفت كيف ولا بنون
والقدر لو فار جاء الطوفانيه - والحلم معبور- رفرف ياعلم
.
ربان
.
.
الله وكيلك وكيلك لا تميل - ون كان ناقض تراهم يفتلون
العظم قاسي بعد ما لا نية - من دونهم سور - رفرف ياعلم
صوت النجر ياعميلي بالزبيل - شف من يشيله ومن فوق المتون
وانا اعرف الزور والبهتانية - ما قالت مستور - رفرف ياعلم

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر