يالشاعر الفذ - راشد بالكندي

يالشاعر الفذ اللبيب المخضرم
ياللي على درب المرايل خطًله

روض خيول القاف أسرج و ألجم
وسيف القصيد ابكف يمناك سله

ووطى على روس الثعابين وأقدم
ما خاب ظن القاف و انته هلنله

من لاحشم لجواد لا ما يحشم
ومن لا يقدر دارنا ما نجله

ياكم بانصبر وياكم ياكم
العام زله وعاد هالعام زله

يخطي ولاكن مالخطى ماتعلم
وش عذركم يأهل العقول المجله

حتى الغشيم اللي بلا فهم يفهم
والله ما تحتاج أيت أدله

تسلم يابومنصور لاهنت تسلم
وكل ٍ على ماقيل واضح سجله

رايتك بيضى ياعلي نعم ٍ ونعم
ويعيش بوخالد وحنا فداً له

ولي عهد الدار عون ٍ ومحزم
للقايد الأعلا وللشعب كله

له بصمة ٍ في كل محفل ومعلم
ونوره تجلا بين نور الأهله

إمعرب الجدين من خال ٍ او عم
من معدن ٍ مافيه شوب ٍ وخله

من لاذبه يامن ويكرم ويغنم
وبيت الكرم والطيب كل ٍ يدله

ياللي نصاه ابهم عود بلا هم
كسب العلوم الغانمه عادة ٍله

والطيب طيبه فايق ٍ كيف ٍ اوكم
إيحب شعبه حب خل ٍ لخله

ليت الغلا يظهر مع الفحص فالدم
ان كان بوخالد غلاه استحله

و بوظبي نبع ٍ كما نبع زمزم
من فضل ربي كل ضامي يعله

أحرار عشنا فيه نحشم و نكرم
ولا عندنا تميز مله و مله

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر