يامكرم الجار و الظيف

كفوكفو يامكرم الجار  والظيف
يامن لظيفك ماتحسب الخساره

ويكثر ماله ..بالشدايد .معاريف
لظيف والعاني.. .وربعه ..وجاره

اللي لعله مايشوف. التكاسيف
طلق الحجاج. لمن. عناله وزاره

واللي ماحسب للمراجل تكاليف
والطيب عند الناس رافع وقاره

طبايعه بالطيب. ماهي تصانيف
ولاغيرت... سود.. الليالي مساره

ماهو بامن طيبه هبايب عواصيف
هبايبن... مابين.... تاره ....وتاره

نايف ولد مرزوق راع المواقيف
الاجا نهارن فيه. نخوه .وغاره

على الرفيق ليا وطته الصواديف
ليا زبن من.. ضيق.. باله ..لداره

مايعود من بيته كثير التحاسيف
ولفزعته مايطول.. وقت.. انتظاره

حرآ  مداهيله برؤس المشاريف
يعجبك من راس الطويل انحداره

لصيد مايحسب لموت وحواذيف
ماتذري الصيده. عليه.. الحجاره

حرآ عليه الصيد مايروح تطويف
هو منوت الصقار وقت الصقاره

ماهو من اللي بالرخا بالسواليف
راعي مواقف طيبه و ..ستشاره

ويوم الشدايد.. لاتبين ولاشيف
وليا انتهت قدم ..عليها. اعتذاره

ولاهو بامن فيه المراجل تزاييف
له طبع في. ليله ..وطبع. ابنهاره

طيبه مثل ماقيل سحابت الصيف
لاتنبت ارض ...ولا ..تهدي حراره

والعمر فاني.. والمنايا خواطيف
يصعب على الانسان منهن فراره

محدن يجنه لا.بغنه. على الكيف
حتى.. يتجهز.... للكفن.. والطهاره

ومن لاحسب لحساب قبل الهواتيف
تعلن  وفاته ...من... مدينه الحاره

رحل ماسر بطيب. ربع و..مواليف
ولاحاش من... دنياه غير.. الخساره

لاطيب حاش و الحساني على ضعيف
وكل(ن)على ...فرقاه ..ساق البشاره

والرجل من فيه  .المراجل تواصيف
وسط البشر .. طيبه ودينه .شعاره

وعليه لو تبحث... عليه .الملاقيف
الكشف السراير.. بالحيل والجداره

ماحصلوا .منه كبر ...شعرت اليف
ولاثوروا ..و..سط.. القرابه ..غباره

ولو يملك الرجال بنك ومصاريف
مايرفعه.. لطيب... ملك.. التجاره

يبقا الردا باقصا الضلوع المهاديف
يوموت.... لظيفان.. ماشب ناره

والطيب يبقا لاهل الطيب تعريف
لو ماملكوا .بالعمر ..ددسن غماره

وعلى الردا يبقا الردي يالعواريف
لو امتلك مليون بنك وعماره