دولة الأفراح - قصيدة وطنية -

يا مرحبا تعداد ما برْق الغلا ..قد لاح
و تعداد ما تصدق معَ الأفعال .. نيّاتي

آنوب عن كلّ اصدقايا دام حبري .. باح
و أقدّم ارسالة شكِر .. معْ باقة أبياتي

 أبداها من داري الحبيبة .. دولة الافراح
من بعْد ربّي هي سبب واقع .. نجاحاتي

وش هو الأهَم مْنَ التوسّع او .. مِن ِالارباح ؟
الاّ وطَن غالي .. حِفَظ قدْر الاماراتي

 في دولة ٍ عزّت شعَبْها .. و الشعَب مرتاح
لأنّه لقى منهو يدافع عنْه .. و ايحاتي

يا اشعور ذوّاقْها يمر عطْر الوفا .. فوّاح
في وصْف داري سابَقَت كلْماتي .. كلْماتي

تجري السفينة .. ما تِهَزها عاتيات ارياح
ربّانَها .... فذّ ٍ يجاري ريحَها العاتي

 أمست حكومتْنا سهيرة ..في حمى الارواح
من امتنان الروح أهديها .. تحيّاتي