بلا موعد.. - الريم الشحي

...
بلا موعد
وفي زحمة هواجسنا
بلا موعد .. تلاقينا
بعد فرقا
تناظرني ولا أدري؟
جفا؟ شوق وهوى؟ مدري
جبرت الصمت ف عيونك
او انه يجبرك فينا؟
أفا يا صمت كاسينا
وش الي ذكرك فينا؟
وأنا الي من هقيت غبت عني..
ترجع الحينة؟
غصب علّمتني اهوى
وأترجم نظرة العينا
أحبه؟ حبّني؟ يهوى بدالي؟
ليش مجفينا؟
هقاوي وأسئلة مجنونة
عيّيت ترحمني..
أنا جيتك
وكلّي أسئلة
وبعضي..
لقيتك ماضي وحاضر..
أمس بعدين والحينة!
وفي زحمة جنوني
تهت عن عينك
وقفّينا..
أمانة.. بس ذكّرني
اذا في يوم لاقيتك
وبلا موعد تناظرنا
تذكر صمت ف عيوني
كسانا من سنين
كثار
يبوح بكل ماضينا..
يرسيني على الذكرى
ولا يخبر مراسينا..
-
(رقية محمد الشحي)

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلاّ نادراً.
  • للتواصل مع ادارة موقع الشعر إضغط هنا.
© 2021 - موقع الشعر