وش جاك يالصبح ما شوفك على خبري

لـ ماجد الزيد الخالدي، ، في غير مُحدد، آخر تحديث

وش جاك يالصبح ما شوفك على خبري - ماجد الزيد الخالدي

وش جاك يالصبح ماشوفك على خبري
ساكت وحيد وحنينك خالطه عبرة

مبحوح صوتك وتوجع بحتك صدري
كنك هك العود ناح الضيق في صدره

بعد اقلعت طايرتها وخلت الجبري
الا انكسر قلبه ولآ عاودت جبره

لا عوّد الله صباح يغيب به فجري
والله يعوّد صباح ترد من فجره

لبى نظرها ويامقواك يا صبري
خليتها تروح من عيني تقل سكره

لولا انتظر ترجع الا طحت في قبري
متى بتحيي هشيم وتهشم الصبره

الي فلا مثلها غيدا وهي تدري
الكاملة ياعسى ماشوفها كدره

الطف من النود وجاري السيل من حدري
واوفى من رسوم جدران بقصر عمره

لو هي درت في غلاها مثل ما ادري
ماحس قلبي ليامن غارت بوزره

تنام واصحى يطالع حسنها سبري
حوريةً جنتيها بجانب السدره

لاشفتها مع تنفّاس الصبح تجري
جبريل ابوها ولعيبه امها الحبره

آمرض لها لمرضت وليا برت ابري
وليا ضحكت كني الصوفي وهي حضره

اليا طرت لي لو اني ناحين اسري
اقطع صلاتي وملاكي يقول له عذره

هبسيّة الماكر ومرباطها جبري
الله ماكبر غلاها وقدرها كبره

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2022 - موقع الشعر