باسمي أنا يا موطني

لـ محمد آل وافي، ، في غير مُحدد، آخر تحديث

باسمي أنا يا موطني - محمد آل وافي

باسمي أنا يا موطني أكفي محبة بيت بيت
و اعاهدك و ابايعك و انقل ولاءات الجميع

فينا الحميّة طاغية ابشر بعزك لا اعتزيت
تاريخنا يشهد لنا دون الوطن حصنٍ منيع

افرض علينا ما ترى واشر بيدك لا بغيت
ما دام حكمك بالهُدى والشرع إعلن بالربيع

اجتث من يهوى الفتن واستكف منهم لاكتفيت
وأرواحنا دون الوطن يا موطني ماهي تضيع

غامر وابشر بالرضى يسبق نتيجة ما نويت
سلمان حنّا لك وفاء يشهد لنا الكون الوسيع

شيبان ساقت لك عطا و رجال ترضى ما رضيت
واسقت محبتكم ترى كل أم في يدها رضيع

حنّا تربينا على بذل الولاء المستميت
وان جارت الدنيا يزيد القدر يالشان الرفيع

نرخص لك الغالي اذا ضاقت عيونك بالمبيت
اجل وش اللي نذخره للوقت واليوم الفضيع

© 2024 - موقع الشعر