حايل

لـ أحمد الأسلمي، ، في السفر والاغتراب، آخر تحديث

حايل - أحمد الأسلمي

بين هم المحبه و إشتياقي لحايل
ساهر ٍطول ليلي والقوافي تثنّا

أسهر الليل هايم لجل بدع المثايل
لين يشرق صباحي و الطيور إتغنّا

خمسة اسنين طارن بين دمع ٍتسايل
وبين حزن الليالي و الشقى يمتحنّا

أجبر أحزان يومي ب المنى وآتحايل
وأرقب نجوم ليلي و المزن لا نشنّا

يشتكي دمع عيني للضلوع النحايل
لين بانت هموم ٍوسط صدري تبنّا

صح فرقاه حره مثل حر القوايل
لكن إني أكابر خوف عقلي يجنّا

والله إني أحبه شف عقالي تمايل
كل شمر لحايل بالقوافي تغنا

اللهب به يعمّر و الوفا و الجمايل
شي معروف قبلي دون شكٍ و ظنّا

ما تفيد الرجاوي ما تفيد الرسايل
دام عقل المعنا وسط حايل تمنّا

© 2024 - موقع الشعر