موج المجاهيم - أحمد الظفيري

هيجنت انا موج المجاهيم وامشي
بين الفيافي وسط شوق المعاني

كل الشموس اللي تناديني تفشي
عشق بدوي حبي وفيها اناني

حتى سرابه لا سرى القيظ يغشي
والشوق مايكذّب عيوني ثواني

نبت الخزامى هاض فيني عطشي
لاجمل سواليفه وكل الأماني

هبت هبوبه وانتثر فيني رعشي
واضلاعي ركبت في لقايا المحاني

خلي فديتك يا خشيفن بعرشي
تحكي بشوقي واشتياقي عناني

واغمض وطيفك شاغلن فيني فرشي
جافي منامي والغلا بي كساني

© 2024 - موقع الشعر