اصلح القلب يانزال مع ناظرة

(اصلح القلب يانزال مع ناظرة
ماعرفت المصيح بينهم والمجيب)

(كل ما أعطيته أ مر الحفظ بالذاكرة
مارابه واحدن من شاشته ما يغيب)

(والمشاعيف لا ملت ولا قاصرة
غار ترتاح في مسندها للبيب)

(دوك حتى قوافي قافها صاخرة
في رهيب وحاديني عليها رهيب)

(حاكم القلب وأحكام الهوى جايرة
من رضاها لخله كيف سمي حبيب)

(جنته نار ماهي فرحة غامرة
أن عطت وأن خذت ما زادت الا لهيب)

(صاحبي لو ربيع اسنيني الغابرة
تلني للشقا تل الرشا باللقليب)

(من تصيبه سهوم أعيونه الخاد رة
لا يفيده علاج ولا يفيده طبيب)

(من سهومه بقلبي معركة عامرة
كود يلطف بي اللي للسراير رقيب)

(كل يو م يزيد أشواقي الثايرة
صرت أشوفه بعيد وهو مني قريب)

(أغضب أن قالت العذال أنا فاكره
والنظر فيه يشقيني وشانه عجيب)

(واتمنى يطول اليوم عن باكره
كل يوم اترقب باكره وش يجيب)

(فرحة القلب قربه عبرة حايرة
وأ ن حداه الزمن كني يتيم غريب)

(بين نار ين شوق ودمعة صابرة
ياحسافة وياهو سوء حظ ونصيب)

(وأن تمادى صوابي صاح بي ناصرة
قال حب بنارة والسلامة كسيب