حفل الشاعر فهد مصلح العالي - رائد العالي

امر يابن مصلح وتبشر بالجديد
انا حزامك بالدعاوي كلها

واقف معك بالحال قدام القصيد
واللي نبي ناصل لها ناصل لها

دام النظر قدام والهقوه بعيد
لو تصعب القالات عندي حلها

ياهاجسي حضّر من الدر الفريد
فرايدٍ من سمعها ماملها

معي عصا موسى وسيف ابن الوليد
وحكمة سلاطيناً تقود دولّها

والشاعر اللي من قصيده مايفيد
لو ان نفسه تستريح احسنلها

يامرحبا عشرين مليار وتزيد
ترحيبةٍ حلو النبا طبعٍ لها

يامرحبا باللي لقاهم يوم عيد
روسٍ الرجال اللي نقياً دلها

الله يحييكم وشوفتكم رصيد
في حلة تشرفيكم نوراً لها

اقولها عن راعي الراي السديد
القرم ابن مصلح وهو كفواً لها

وعن لابته كسابة المجد التليد
روس الرجال اللي يظلل ظلها

عزوة ذوي مشعق مطوعة العنيد
مثل السيوف اللي ينومس سلها

امجادهم طول الليالي ماتبيد
سطواتهم روس العرب تذعن لها

فخر لذوي عالي هل الباس الشديد
اهل المكارم والمراجل كلها

وفهد نبارك له عسى عمره مديد
حيثه دروب الطيبين يدلها

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر