الله من همن مع الهاجس محيف

لـ عيسى زيد التميمي، ، في الهجاء، 364، آخر تحديث

الله من همن مع الهاجس محيف - عيسى زيد التميمي

الله من همن مع الهاجس محيف
حاف الضمير بليلتن ما وراها
 
غير النكد والهم ومفارق الكيف
ونفوس قومن ربها ما ولاها
 
اشتب فيهم من لضا البارق اليف
من مزنتن ربانها في سماها
 
يالله عليهم لاترد التكاليف
وبقعاء عليهم لاتقصر مداها
 
وقلب لياليهم دهر ومسح الريف
بعصار عاصوفن بلدهم وطاها
 
وكثرلهم بالارض وقع التجاويف
زلزلهم ودارن لهم زد عطاها
 
ورسل عليهم من جهنم محاذيف
مع طير ابابيل الغضب لاغشاها
 
يالين مايبقاء بهم من مواليف
حتاء القضاه تقوم تلعن قضاها
 
وفرق صفتهم عن جميع التواصيف
وجعل بلدهم ماتخلف نساها
 
بعد الرخاء راحت ليالن مخاطيف
وين السباع الضاريه عن عشاها
 
لامن حضر عند العرب واجب الضيف
يمرحبا سلم العرب لقصراها
 
وليا تقهواء حنيف ماكيف احنيف
من دلتن عن هيلها زاد ماها
 
في ذمتي عن هرجهم كني معيف
وش وجه روس القوم ولا قفاها
 
لاصار يدخل في ذممها التحاريف
ما تنقبل لو طولتلي لحاها
 
من زود مابي كنها كنت الصيف
نارن بجوف الصدر يحرق سناها
 
تصبح مراديفً وتمسي مراديف
من يوم بعض الناس بين رداها
 
انشهد ان الحكم في شذرت السيف
والي كحلهاء بالتطرف عماها
© 2024 - موقع الشعر