بيرق الاحزان - عيسى زيد التميمي

يابيرق الاحزان يوميبك الريح
من نفحت فراق المحبين تومي
 
لاقمت متعزم ومتهقوي اطيح
من ضيقتي صارت تضيّق هدومي
 
وشلون ابيّن شرح ماحتاج توضيح
شرهاتي اكثر من مواعيد نومي
 
ياسد لاتنسد وياك لاتبيح
من يعشق الخفرات مات مهزومي
 
فدروبهن حامض حلو هدم تصليح
ليل وسهر يوم او دهر ماتدومي
 
يومن على الضميان غرن ملاقيح
ويام اشد من انصرام السهومي
 
لو نورة ليل المحب المصابيح
لابد من يوم تغشاه الغيومي
 
هن شي واحد صح مافيه تصحيح
لو تصفي الجمه وراء اليوم يومي
 
اشمام جرحن سبب شمامه الشيح
في قيعتن وعروق شيحه جرومي
 
لعروقها في قلب من حبّ تبريح
ماتفرق العذال .. ربعي وقومي
 
البينه ماعاد تحتاج توضيح
يالتاجر الي لثمينه تسومي
© 2024 - موقع الشعر