ذيب الضحى

يا لابس البشت الحساوي من العام
ياللي قصب بشتك مطرز به الزي

يا قرم يا ثابت مثل صخر الاهرام
يا ذيب يا " ذيب الضحى " ماهي بهي

إنتَ تشوف الناس من تحتك أقزام
وحنا نشوفك بالحقيقه ولا شي

دامك بخشم المال حققت الاحلام
لا تحسب إنك صاير ٍحاتم الطي

على السفاله ماخذ ٍدرع و حزام
دام الحيا في داخلك باقي ٍني

كانك صدوق ٍرح تبرع للأيتام
أرسل لهم من مالك الشخصي اشوي

لا تحسب إني راجي ٍوصل و إكرام
انا لغير الله فلا أرفع إيدي

تسرع بنا الأقدار قدام قدام
والوقت يطوي حسبة أيامنا طي

وإنتَ تبطح في المحافل والأعلام
لا نافع ٍنفسك ولا هذي و ذي

راسك متنّك ما فهم درس الأيام
حتى علاج الكي ما فادك الكي

#أحمد_فرج_الأسلمي