على النقاء

لـ ناصر الجابر، ، في العائلي والاجتماعي، آخر تحديث

على النقاء - ناصر الجابر

مرحبا هلا ترحيب عد النجومي
واعداد رحال الرواكيب بركاب

وأعداد ماهلت رشوش الغيومي
وإعداد من حاضر وتعداد من غاب

مرحب هلا في كل ضيف محشومي
على النقا ياضيوفنا بألف ترحاب

مرحب هلا ترحيب واجب لزومي
حق وجب ماقلت هالقول نصاب

يشهد علي اللي بخلقه رحومي
الواحد اللي للمغاليب غلاب

شرفتوا الجابر وكل اللحومي
نشريفكم زاد الفرح زين وعجاب

مبروك ابو نايف عجال يقومي
ومشرع لقدومكم كل الأبواب

ومن حوله الجابر جموع تحومي
شايب وقف جنبه يحيي بكم شاب

ماني مخصص بالنشاما القرومي
ومن خص بضيوفه على الطول ينعاب

الواجب اللازم بحسب السلومي
ومن هب للدعوة نحطه بمرقاب

ولاعاش منهو عن أربوعه يشومي
هذاك بيعه لعلن السوم جلاب

مرحب هلا ترحيب عما عمومي
ةيأهل البلد ياللي لنا لحوم وقراب

معزوم ولا جيت ما انت معزومي
ضيف لنا نفتحلك الصدر والباب

في عرس نايف كل أبوكم إقدومي
بالحب غالين على القلب واحباب

شرفتوا الجابر ولابه اوهومي
مرحب هلا مارشرش المزن سكاب

وما دار طير بالخضيرا يحومي
وما دال شي بين لادي وجناب

وماهب ذعذاعه براد وسومي
من ترثة الوالد هلا مالها حساب

من كل شبل باللوازم عزومي
شبابنا يمشون بسلوم شيبان

نذكر سوالفهم سوات الحلومي
دون لهم بالطيب تاريخ بكتاب

وأرجي السموحه كان بالحرف لومي
دمح المزله ياطويلين الأشناب

منكم نبيها في ردودا العلومي
لسار بالمعلوم ناقل وجياب

ومرحب هلا فيكم عداد النجومي
وماسار بأكوار الرواحيل ركاب

© 2024 - موقع الشعر