سموم الشرق

بانت سموم الشرق مثل القايله
والغرب سلم للشروق امثايله

حتى ظهر للناس مضمون الهدف
في مؤتمر والكل جاوب سايله

واما عربنا تطّحن في بعضها
من دجلها / لفراتها / للنايله

عزاه يامجد ن توارت هيبته
والغرب تردم بالتراب اتهايله

من بعد ديفيد جا وباما واكملت
الصورة السودا وزاد المايله

قال الهدف سلمي وخافيها خطر
واصبح يرقّعها عشان رضاي له

ما يدري اني له فطين ومنتبه
وان المواقف بينت / والعايله

هذا تحالف بينهم وان الثمن
مقبوض ياجعله تزوله زايله

فمواقف الامة تبين ما خفي
والفرس تهدف للقديم اتحايله

وان كان في مشهد مفاعل يصطلي
ف باليمامه / مفاعلي / واخايله

ابو فهد حزم الديار وعزّها
اطفى لهبهم بالصقور النايله

سلمان نيموس الرجوله وشيخها
بالحزم اثبت للعدى / بفعايله

رد اليمن والشام بإذن اللي خلق
راجع لنا وبغداد / لبى/ جاي له

وان (نبه النيروز في غسق الدجى)
الورد يذبل ما يزين اتمايله

قد قالها المختار قائد امتي
بأبي وأمي / يارسول ن قايله

مابعد كسرى للمجوس مكانة
ولا بعد قيصر للمعادي طايله

فالله يسدد يامكلنا خطوتك
يا الله وحقق للمليك دعاي له