ولا هو هز فنجاله وقال أكرم - علي القرني

أنا من ناحت الورقى وهيضني حمام الدوح
سرا بي عاصف الفرقى على طاروق وناتي

ونقَّض من أزارير الصدر ثوب الحزن والبوح
تبعثرني رياح الشوق واسجنها .بضيقاتي

ذكرتك ..والهيام الي سكن بعروقنا والروح
بشوفك ترتوي كبد العطش وتربع اوقاتي

تمرجح بي طيوف الذكريات الّي تجي وتروح
ولاادري وش غدا مني ولاادري وشْهو الآتي

حنيني والوله.. ملحٍ يهيج جرحي المفتوح
سطى بي لين ماخلا سوى نوحي وحسراتي

جراد الوجد يفتك بالسنابل والسنابل روح
على كف الغياب اللي خذاك بذنب هقواتي

تركني كل مافيني جروحن تشتكي لجروح
اعض ابهامي ابنيبان حسراتي. ولوعاتي

تمركى بالخفوق وشب ضوه والدلال تفوح
شفوحن . يقدع ايام العمر ويزل فرحاتي

ولا هو هز فنجاله وقال اكرم وقلت صحوح
سرا ليلي وانا احطبله ضلوعي واشعل آهاتي

يضيع الدم ما دام الخناجر ذنبها مدموح
وتخنق صرختي غصة سكاتي بآخر الهاتي

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلاّ نادراً.
  • للتواصل مع ادارة موقع الشعر إضغط هنا.
© 2021 - موقع الشعر