بايعت نفس الشجاع الموت واعياها القطيع - راضي الهاجري

بايعت نفس الشجاع الموت واعياها القطيع
والرجولة في زمانٍ مايبيه الا الرعاع

كنت اظن انّي على نطح المقابيل استطيع
واثرها دنياً عجيبه تكسر عظام الشجاع

فافترشت البيد راحل وازهم انفاس الربيع
واثر ذيك الجرهديه عاصيه والوقت ضاع

وكل ماسِمْت اليراع .. اسرف .. وعيّا لايبيع
عزتي لي من بيانٍ علّته فقر اليراع

وكل ماصغت القوافي من تبيعٍ في تبيعٍ
ضعت من جور القوافي والقوافي ما تباع

لو بغيت البحر "الاكمل" غصت في بحرٍ وسيع
وسع عين اللي لفتني عقب وقت الانقطاع

الغواني .. والمواني .. والمحاني له جميع
لكن انفاس الشجاع .. تكون قدر المستطاع

وان زهمت الروح تسعى قبل لا وقتي يضيع
لاتطيع.. وأسرفت لي في الضياع

ويل حالي من جنوني والجنون المستطيع
يجبر الفنان يمشي في دروب الابتداع

فويل قافٍ كان شيخ.. وصار في عرفه منيع
مايطيق .. ومايليق .. ومايجيد الامتناع

من عقب ذيك السعادة في زمانٍ مايبيع
ضاقت الدنيا علينا وبِيع وقتٍ مايباع

باقلب الصفحة واراجع نفسي اللي ماتطيع
هي تطيع؟ أوما تطيع؟ ووش هو الراي المطاع؟

باترك العشق وهمومي .. وارجع لوقت الربيع
واترك دروبٍ خذتني.. في متاهات (الرعاع)

© 2024 - موقع الشعر