شمالي بنيان . من الماء.. إلى الغضا

شمالي بنيان . من الماء.. إلى الغضا
قنوف . تلافت ، والهنادي.. بروقها

رعدها: ألقهر.. والوبل: درج.. محبب
وشخاتيلها: لدن القنا.. من عروقها

وحقها: دوي الخيل.. في دكدك الوطا
واصوات حمران النواظر: حقوقها

وغثيرها: البارود.. والعج لي سكب
ازريت اميز.. حمرها من شفوقها

ساقوا لنا.. كل ابلج ينطح القنا
ربع.. تخلى.. في الوهايل.. طروقها

وسقنا لهم.. من كل نمر مجرب
درع صوايدها.. وحمر شدوقها

قصاصيب ملك الموت.. يامر ونمتثل
بافات الأنفس.. يوم جانا يسوقها

والي هافت أوراق الجنايز.. من السما
حنا سببها.. يوم ربي يعوقها

بشرية.. يا سعد.. من هم رفاقته
هل البل.. لي منها تبرت رفوقها

من جا.. يبيها.. عرضوه اشهب اللظى
رماح.. تشايز ضربها.. في مروقها

وآلا منصور.. هل المدح والثنا
اللي ناهر الضيق.. توفي حقوقها

ومخاضيب اجهل من جهل كل جاهل
واشر.. أهل بقعا.. ومن حل فوقها

أهل سربة.. تحدي على الموت لي اقبلت
وإن دبر.. لي هل تعفت عنوقها

بإيماننا اللي يمتني الذيب.. وقعها
على الرد.. تمنع حردها.. من طفوقها

عاداتنا . عند المزين.. نردها
نسوق في الهيجا.. إلى حمي.. سوقها

بشلف.. مضرين.. عسلهن على اللحم
وخناجر . دفق الدمي.. من فتوقها

كله.. لعينا هجننا.. يوم حدرت
اللي شلايلها.. لفت في حدوقها

والا.. لعينا هجننا.. يوم حدرت
اللي شلايلها.. لفت.. في حلوقها

والا.. لعينا.. كل غرا.. مترهفة
اللي تهل الدمع.. من حجر موقعها

والا لعينا.. فطر.. شمخ الذرى
اللي يعدي.. للمنارة.. غبوقها

هبا اللاش لي من اسفعت ذي، ومثلها
رسوم المراجل.. لي اعرضت.. ما يذوقها

لها من يقوم بها.. ليا ثقل حملها
بني اهديب.. الي تعلق.. علوقها

سلالة سلطان العبيدي ويعرب
ما حن.. لاصول القبايل.. نبوقها

وصلوا على خير البرايا محمد
إعداد.. ما غنى الولع.. في عذوقاه