لمعة البلور

سقيت الحرف وارهيت المعاني واستبحت القاف
وشلت الغيم لحروف القصيد وهلت الديمة

ورب اللي لنا انزل تبارك وانزل الاعراف
ياحرف اسكبه ما يسكبه عاشق على ريمه

تنقيت العقيق / ولمعة البلور / والصفصاف
وجبت الشارده / حتى تقلط لي / معازيمه

لك الله ياقصيدي ما انكتب مثله ولا ينشاف
رسمته / واستلذ القارئ بحرفي / وتسنيمه

هنا بوح وقصيد ودوزنة شاعر وله ميقاف
يورد / سلسبيل الشعر ما ينكث / ملازيمه

تراتيلي حروف ن مسرجات تبهر العراف
اصوغها / لتِظهر بالمعاني ابهى / مراسيمه

ادوزنها / على كل البحور بحبكة / النواف
أميزها / واخلي اللي قراها / ينتشى نيمه

قصيدي مثل برق لي لمحه الفارس السياف
يحقّر لمع سيفه حين شاف البرق والغيمة

يا هيه اسمع تحفظ ما اقول وانتبه لا طاف
ترى / ماكل شاعر كلمته / تحفظ تعاليمه

أبيك / تعلم اللي جاء يدربيها /بليا اهداف
يظن انه غزى / واثره تجرعها ب / تكميمه

لفانا (بالحرام ) ( وبالطلاق )وثرثرة هفهاف
سوالف / ما لها بالشعر لا معنى / ولا قيمه

ووالله لو في الساحة بروج تحمل الانصاف
ما يظهر بالقصيد اللي يزيد الشعر في ضيمه

فوالله ياقصيدي من كتبته ماشكى استنزاف
وبلّغ / رأسمالية / هياطه / عزف / تسليمه

عساه يفوق وينوّخ ركاب القاف والمحراف
ولا يوهن / اذان الشعر / بطلاقه وتحريمه