سويسريــّـة حلا

يا الباهرة .. طرفي بدا .. ينطق اشعور
و الحب لي بيني و بينج .. تِسَرّب

قولي لمعازيب الحفِل .. اخذوا الشور
من يبغي يخطب ودّ قلبي .. تِعَذّب

بعض الشعِر لو أكتِبِه .. ما هو محظور
ما يفِهِمِه الّا العشيق .. المجرّب

اللي يبا يجاري .. قبل .. يتقن الدور
لابد يدخل دورتِي .... و ايتدرّب

يا كم معزّب نافس و ردّ .. مكس­ور
شاعر و يهْوَنّي بنات .. المعزّب

و انتي سويسريّة حلا .. ابنكهة الحور !
ما يعسِفِج الّا الحبيب .. المقرّب

إمشي ابتواضع و اتركي الصدْر .. مغرور
هاتي يدج ما دام موعدنا .. قرّب

و إرخي المخادير النواعيس .. يا حور
سلهامة عيونج وِسَعْها امعرّب

­­ يا غيم شهْدج .. في شفاياج معصور
الشمس تتبخّر في خدّج .. و تِغْرب !

هل من مِخَدّر داخل الكاس .. منثور ؟
ولا المخدّر في شفاتج ... امهَرّب

اتغطرسي في حفلِتِج .. و إخطفي النور
يا مايس الخصْر العِزيل .. المذهّب

شوفج خِمَر عمري .. و انا فيج .. مخمور
قومي إسكبي حسنج في عيني .. أبشررررب !