يا مرحبا يامطير

لـ بدر المطيري، ، في الانشاد والشيلات، آخر تحديث

يا مرحبا يامطير - بدر المطيري

يا مرحبا يا مطير في حفلة امطير
ترحيب منصاها الرجال الكريمه

يا مرحبا عد المزون المغاتير
ترحيب للي حاضرين العزيمه

كل القبايل مرحبا طيب تقدير
اللي لفى واللي تعناك شيمه

يقول فارس يا هلا عد ما الطير
غرد ولحن باللحون السليمه

يالاد مهلك ياعيال المناعير
ياكاسبين الطيب مابه ضليمه

من يقدر يضيم الرجال البواتير
واصغركم اللي باللوازم صتيمه

واقدم الترحيب ورد ونواوير
ترحيب طيب وقدر واعلات قيمه

واقول مرحب مرحبا زود تقدير
مرحب عدد ماهلت المزن ديمه

ومرحب عدد ما غردن العصافير
وعداد ما المشتاق دور نديمه

في حفلنا نفرح وتفرح طوابير
فرحة بني مهلك عساها مديمه

حنا فرحنا يوم جتنا التباشير
حفل الثلاثه ياجماعه نقيمه

عيال من له في نهار المعاسير
صوله وجوله وانقسام وعزيمه

اللي له من الطيب تكفيك تعبير
تعبير وجهه لأستهل ابغريمه

طلق الحجاج ولا حسب للمخاسير
راع العلوم القيمه والحكيمه

اللي له من العز جمعن بواتير
يكفيك لا لخصتها مستقيمه

وشلون من له يا زبون المنذير
هاك العزيز اللي علومه حكيمه

من له ابو نادر محمد كما الطير
حرن تعلا واعتلا فوق غيمه

يكفيه عن شر الليال المعاسير
طيب وعزيمه ما بعدها غنيمه

وعداد ماهل المطر وابل الخير
واعدادها ترحيب طيب وعزيمه

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر