غلا الدار

لـ بدر المطيري، ، في المدح والافتخار، آخر تحديث

غلا الدار - بدر المطيري

يادار ابن مهلك دياري وابجيك
بجيك لو بيني وبينك مسافات

يكفي سميّة جد يازين اراضيك
سميتٍ بأصعيّب مافيه شكات

اغليك من غاليك واغليك واغليك
واغلي تراب ارضك غلا غاليٍ فات

يادار لو جار الزمن جورته فيك
واهلك عطو بدروب واوقاتك اوقات

حنا لنا بأرضك وحنا نكفيك
نذكر مواضينا وجدٍ بها مات

يومنها شلفا وسيفٍ مراميك
حموك ماضينا الفعايل بالاوقات

ونذكر مزوح جداننا يومها فيك
اهل القلوب البيض صافين نيات

يادار شوف ابيوتهم فيك تكفيك
تكفى تسال ابيوتهم شوف الاهات

من عقبهم يادار ضاقت مبانيك
تشكي زمانٍ فات ياليت مافات

تقولها والعين تدمع وتبكيك
تبكي من الهجران عقب التشتات

طاحت سقايفها وبين تهاتيك
شوفو مواريها عقب ماضيٍ فات

يادار انا بوعدك وان كان تكفيك
تبقى بوسط القلب وان مت مامات

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر