فدوى عيونك!

لـ محمد الدوعني، ، في غير مُحدد، 361، آخر تحديث

فدوى عيونك! - محمد الدوعني

يامن طلب من هاجسي كم بيت
أبشر بما تبغاه بل قد نزيده

يامن إذا ناديتني قمت لبيت
صوتك دواء للروح وللقلب عيده

دامك تذكرت ابتعادي وحسيت
لحظات ذكري يا الغلا لك مجيده

فدوى عيونك بيت وصاحب البيت
بل هي فداء لك ياعيوني القصيده

أنا على طبع الوفاء عشت وبقيت
ما زاحني عن طبعي عيش الرغيده

من ساه الى آخر بلد لو مشيت
ماتلقى مثلي في الظروف الشديده

مايردني عن فزعتك إلا لو ميت
والا بحياتي أطلب اللي تريده

 ولو زدت عن هذا بعد وتماديت
الله يستر خلها بس بعيده

© 2024 - موقع الشعر