غيبة سنين

خاب النصيب وأبعدك عني سْنين
وعقب السنين اللي بها خاب ظني

جيتي وأنا ماكان في بالي تْجين
مابيننا خطوات منك ومني

سألت عن أسمي عنه وش تعرفين
قلتي مطر مدري ولا تمتحني

ياليتني ماكنت واقف لك اللحين
والا مجنب دربك اللي قتلني

أنا أحسبك كنتي عليّه تحنين
وأثرك نسيتي ساليه مير عني

قلبك نسى قلبي وقلبي على الدين
كل يوم أحسك في عروقي لأني

ماكنت أفكر يوم عني تخلين
وأثرك كبيرة قلب قلبك يثني!

هنا يموت الحب وحنّا عزيزين
هنا آخر أنفاس اللقا والتجني

اللي يحبك كان يومك تحبين
عزّي على فرقاه وقت التمني