الفتن

ﻳﺎﻟﻠﻪ ﺩﺧﻴﻠﻚ ﻣﻦ ﺯﻣﺎﻧ(ﻥ) ﻓﻴﻪ ﻛﺜﺮﻥ ﺍﻟﻔﺘﻦ
ﺑﻨﻮﺍﻋﻬﺎ ﻭﺍﺷﻜﺎﻟﻬﺎ ﻣﺜﻞ ﺍﻟﻠﻴﺎﻝ ﺍﻟﻤظﻠﻤﻪ

ﻳﺎﻟﻠﻪ ﺩﺧﻴﻠﻚ ﺣﻂ ﺑﻴﻦ ﻋﺒﺎﺩﻙ ﻭﺑﻴﻨﻪ ﺣﺼﻦ
ﺍﻧﺖ ﺍﻟﺬﻱ ﻣﺎﻓﻴﻪ ﺷﺊً ﺧﺎﻓﻲ ﺃﻻ‌ﺗﻌﻠﻤﻪ

ﻛﺜﺮﺕ ﺫﻧﻮﺏ ﺍﻟﺨﻠﻖ ﻳﺎﻟﺨﻼ‌ﻕ ﻓﻲ ﺳﺮ ﻭﻋﻠﻦ
ﻳﺎﻟﻸ‌ﺳﻒ ﺑﺬﻧﻮﺑﻨﺎ ﺟﺘﻨﺎ ﺍﻟﻤﺼﺎﻳﺐ ﻣﺆﻟﻤﻪ

ﻳﺎﻟﻠﻪ ﺗﺜﺒﺘﻨﺎ ﻋﻠﻰ ﺍﻟﺪﺭﺏ ﺍﻟﺼﺤﻴﺢ ﺍﻟﻤﺘﺰﻥ
ﻳﺎﻣﻦ ﺑﻔﻀﻠﻚ ﻣﻦ ﻳﺘﻮﺏ ﻣﻦ ﺍﻟﻤﻌﺎﺻﻲ ﺗﺮﺣﻤﻪ

ﻭﺍﻧﺖ ﺍﻟﺬﻱ ﻣﻦ ﻫﻮ ﻟﺠﺎﻟﻚ ﻣﻦ ﺷﻘﺎ ﺍﻟﺪﻧﻴﺎ ﻭﻣﻦ
ﻭﺍﻟﻠﻲ ﺟﺤﺪ ﻧﻌﻤﺘﻚ ﺗﻘﺪﺭ ﻓﻲ ﺛﻮﺍﻧﻲ ﺗﺤﺮﻣﻪ

ﺻﺎﺭ ﺍﻧﺘﺸﺎﺭﺍً فاﻟﻜﺒﺎﻳﺮ ﻭﺍﻟﻤﺼﺎﻳﺐ ﻭﺍﻟﻤﺤﻦ
ﻭﺣﻨﺎ ﻭﺭﻯ ﺍﻟﺪﻧﻴﺎ ﻣﺎﻛﻦ ﺍﻟﻠﻲ ﻧﺸﻮﻓﻪ ﻧﻔﻬﻤﻪ

ﺗﻜﻔﻮﻥ ﻳﺎﻫﻞ ﺍﻟﺪﻳﻦ ﻣﺎﺑﺎﻗﻲ ﻣﻦ ﺍﻟﺪﻧﻴﺎ ﺯﻣﻦ
ﻛﻞ(ﻥ) ﻳﺸﺪ ﺍﻟﺤﻴﻞ ﺑﺎﻟﻄﺎﻋﻪ ﻭﻳﺮﺑﻂ ﻣﺤﺰﻣﻪ

ﺍﻟﻐﺮﺏ ﻭﺩﻩ ﻛﻞ ﻣﺴﻠﻢ ﻳﻄﺤﻦ ﻋظﺎﻣﻪ ﻃﺤﻦ
ﺣﺘﻰ ﺑﻀﺎﻳﻌﻬﻢ ﺗﺠﻲ ﻟﻠﻤﺴﻠﻤﻴﻦ ﻣﺴﻤﻤﻪ

ﺗﻤﺴﻜﻮ ﻓﻲ ﺩﻳﻨﻜﻢ ﻭﺍﻟﺪيﻦ ﻟﻠﻌﻤﺮ ﺍﻟﺜﻤﻦ
ﻛﻢ ﻭﺍﺣﺪ(ﻥ) ﻣﻮﺟﻮﺩ ﻣﺘﺴﺎﻭﻱ ﻭﺟﻮﺩﻩ ﻭﻋﺪﻣﻪ

ﻳﺎﻟﻠﻪ ﺩﺧﻴﻠﻚ ﺳﺎﻋﺖ(ﻥ) ﻓﻴﻬﺎ ﻳﻠﻔﻮﻥ ﺍﻟﻜﻔﻦ
ﻭﻛﻠ(ﻦ) ﻣﻦ ﺍﻷ‌ﻗﺮﺍﺏ ﺣﺰﻧﻪ ﻭﺳﻂ ﺻﺪﺭﻩ ﻳﻜﺘﻤﻪ

ﻳﺎﺭﺏ ﺣﺴﻦ ﺍﻟﺨﺎﺗﻤﻪ ﻳﺎﻋﺎﻟﻤﻦ ﺑﺎﻟﻠﻲ ﻧﻜﻦ
ﻳﺎﻟﻠﻲ ﺗﻌﺬﺏ ﻣﻦ ﻋﺼﺎﻙ ﻭﻣﻦ ﻳﻄﻴﻌﻚ ﺗرحمه

حسين الكايد