ياصاحبي

لـ عيد الغيثي، ، في غير مُحدد

ياصاحبي - عيد الغيثي

ياصاحبي بقهرك وازعلك وارضيك_
واببتسم وأصد صدمه بصده
وابتجه يمك بخمة اياديك_
وابسحب اكفوفي عقب ضغط شده
وارفع معانيك واردد فلا ابيك_
وارجع واقول اغليك واليد مده
وابضحك بنبرة حزن لين اوريك_
وابمدحك ثم ابتسم ثم اقده
وتبي تغرب ليه ياعيد وش فيك
وابحيرك مايبن روحه ورده
ابهجرك ايام وارضي معاديك_
حتى تطلع غيرتك لي حده
وامر شارعكم وأوقف واناديك_
وانته شفوق لدعوتي والموده
حتى تقرب يوم عيد يناديك_
وابقول انا غلطان خاطرك ارده
ورضي عدوك لين ياتي ويدريك_
حتى يزود الضغط عندك بشده
وادق رقمه يتصل فيك ناويك_
ويقول لك عطني رقم عيد اوده
وارجع وازعل من يزعلك وارضيك_
واخمك لصدري وروحي ارده
واقهر عدوك يأريش العين وافديك_
وهذي حلات الحب واصل الموده
وهذي حلات القلب لاصار يغليك_
حتى تهل من الفرح فوق خده
مصدق اسوي كل ماقلت ماغليك_
قصدي عشان يزود قدرك بشده
واخر كلامي رب الاكوان يحميك_
لعيون عيد وخاطري لا لا لاترده
عيد الغيثي
توتر@eeiidd2012

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر