وينك يالعزيز الغالي - علي باعوضة

قال المولعي باعوضة
بحر الشعر لازم خوضة

وعمل من خيالي روضة
لاهل الشعر ومحبيني

باكتب قاف سيفه يلمع
والعين الجريحة تدمع

فوق الخد اربع اربع
والهم الشقي يطويني

مادري ويش فيني مادري
ياحزناً سكن في صدري

خاف الله عاده بدري
يمدي ياحزن تشقيني

يافايز زماني قفى
لاتلعب بروحي تكفى

خل الجرح فيني يشفى
يكفيني الم يكفيني

لاتجرح بصوتك قلبي
خل السر داخل مخبي

مايعلم به الا ربي
ماغيره احد يشفيني

لي صاحب تركني عاني
في الخبت الخلي خلاني

من صده ترى سهراني
نوم الليل مايأتينني

حبيبي نواها قطعة
باع القلب غير طبعه

وانا دمعتي بالدمعة
من فرقاه تذرف عيني

ياويل المولع ويله
كم تسهر عيونه ليله

مات الود ياعزي له
يالله ياولي تحميني

من هم ٍسكن بفؤادي
مثل الطير رايح غادي

بح الصوت وانا نادي
وين الخل ما يدنيني

وينك يالعزيز الغالي
ياحبي وراس اموالي

ارحمني وارحم حالي
شربة من يدك اسقيني

شربة انتظرها مرة
تطفي قلب والع جمرة

من فرقاك نافذ صبره
الله فيك ذي مبليني

ياليل العناء ماترحم
من تذرف عيونه بالدم

ياليتك بحالي تعلم
ماكنك كذا ترميني

في بحراً عميق القاعة
ببن امواجه الخداعة

وسيوف الهوى القطاعة
ماترحم ولا تعفيني

© 2024 - موقع الشعر