البـارحه

البارحه قلبي على راحته بات
همي رحل والعين شافت وضوحي

همي رحل في سجدتي بالصلوات
وبتلاوت القرآن همي يروحي

يابو سعد منهو يردد بالآيات
أنشهد إنه في حياته سموحي

ابعد عن اللي يدفعك للملذات
وابعد عن اللي للمهالك نصوحي

خلك مع اللي يطلب اللهِ جنات
اللي معه طيب الطهاره يفوحي

واللي تهجد بآخر الليل سجدات
ماله عن دروب السعاده نزوحي

ريم الفلا تاخذ مع البال سجات
لكنها ماتاخذ أنفاس روحي

ان جت هلا وان غادرت بالسلامات
عند الولي تلقى دوا للجروحي

الله يفرج كل من فيه لوعات
والله يحقق للمساعي طموحي

من ينشد المولى يسير بسها لات
يبني على قو العزايم صروحي