( البـارحه )

البارحه ربي كتبلي وجريت
قصيدتن مامثلها من قصيده

من قو لحني قمت كلي وفزيت
قصيدتن جابت طواري جديده

قمت أتناسى ماطرالي وسجيت
سجيت في فكري لديره بعيده

مدري علامي ياجماعه تناسيت
نسيت أنا حبن يجيب المكيده

وقمت أتذكر ماجرالي وعانيت
من ضيقتن بالبال والله شديده

من كبرها ياناس والله ونيت
كني أسيرن جاه جندي بحديده

الحب خيبه دون شكن ولا صيت
مير البلا فلي يحاول يعيده

يالله عساني ياجماعه تشافيت
من ضيقتن فالصدر مثل المكيده