تعال شوف أحـــوالي

روحي ورب البيت بعدك خطيره
حزنً وغم وهم بعدك طواها

وعيني طوال الليل عقبك سهيره
رمدً بها من سهرها أحتواها

لاتقول فيك الحس ميت ضميره
وش فيه مايدري بنفسً نهاها

ماتدري أن الروح بعدك خطيره
والنار تحرق من برجله وطاها

وماتدري أن العين عقبك سهيره
الكحل مافادها وقرب عماها

تعال شوف أحوالي بدنيا مريره
دنيا وربي غيري ما أظن قواها

عايش ولكن عيشة اللي بحيره
ونفسي بعد فرقاك بيٌن عناها

يازين ياللي ما هويت أنا غيره
أرئف بحال اللي روحك هواها

ماودي أشرح غير أني بحيره
بعدك بدنيا شفت موتي بسماها