اسمعيني يالغلا

قلت أحبك اسمعيني يالغلا
جاوبيني قولي يا عمري هلا

من بعيد أتابعك إلى بعيد
أتابعك يا عمري من وسط الملا

والله إني ياما شفت من الجَمَال
و شفت ياما من الحلا وأحلى حلا

والبلا ما فزّ قلبي غير لك
يوم شافك انتي يا ريم الفلا

وصرت أتابع كل حرفٍ تكتبين
وأقرأ الموضوع كله من إلى

وأكتب التعليق من ضمن الردود
وأنتظركِ تكتبيلي " لا خلا "

وكم كتبت أهواك ما بين السطور
وترسلين الرد لا لا وألف لا

وصرت أحاول أبتعد عنّك وأروح
حتى عن نِتّي أروّح للخلا

وكم دعوت الله في الثلث الأخير
اشفني يا ربي من هذا البلا

ولك عليّه عهْد إن شافيتني
ما أقرّب حب من بعد السّلا

وإن حصل واجهني أي حبٍ جديد
أقول زي الضومنه روّح جلا

وإن طلع ما يعرف إلا للبلوت
أقول بس وبعده الثاني ولا