لبى فوادك يالغلا

لـ بنت المطر، ، بواسطة بنت المطر، في غير مُحدد، 1،185

لبى فوادك يالغلا - بنت المطر

لبى فوادك يالغلا والغلا فاض
اغرق مواني مهجةٍ ٍ في كنيني

لاقبلك وبعدك من الناس لي عاض
يا اللي مكانك بين قلبي وعيني

مير الزمان بيننا ورد وخاض
والوصل روح والقطاعه تعين

وصرنا مع الأيام باقبال واعراض
شمس وقمر بالكون متخالفين

حاولت اشيل الروح من تحت الانقاض
يومن ٍ هجرك قال :يابعد ويني؟؟

حاولت احيا في بساتين ورياض
وانسى غرام يالغلا محتويني

لكن حبك صار مفروض ٍ افراض
وانا وفيه والوفا في سنيني

ضميت لك مشاعر اطوال واعراض
وماغيرك انت يداوي جرح دفيني

لبيه ياللي بالوصل عودوناض
برقا يعانقه الغلا والحنين ِ

لبيه ياسيدي ولولاك ما هاض
بحر المشاعر هيض الشوق فيني ً

© 2024 - موقع الشعر