كم لي وعيني - يوسف السناح

كم لي وعيني على لقياه ولهانه
ومن الوله دمعها محرقني احراقي

حتى حروفي وحبر الشوق واحزانه
سالو مع الدمع لين ابتلت اوراقي

يغمى عليه واعيش الحب وازمانه
واصحى على ضجة الفرقا من اعماقي

واسج والنفس للسجات شفقانه
وكل مانويت الرجوع اتقول لي باقي

وآمر بيته وعيني صوب بيبانه
ومن دافع الحب مايشكي عظم ساقي

اي والله اني عليه احرص من اخوانه
ولو لا الحيا بس ماتسمحلي اخلاقي

وناس تلوم الهواوي مالها خانه
ماعاشت الود واللهفه والاشواقي

© 2024 - موقع الشعر