جيتك طلب فزعه منك يابو سلطان

لـ ، ، في غير مُحدد، آخر تحديث :

جيتك طلب فزعه منك يابو سلطان
ياعز حيك بالفعايل وناخيك
يامن بذكر الطيب ذكرك ليا حان
بالمرجله والطيب ذكرك وطاريك
نومس بني عمك وربعك ولاخوان
تنومسوا بالطيب والمرجله فيك
ولو مالك بساحت الطيب عنوان
ماجيت بالازم بالامثال ناصيك
ولاني بامدحك يابيض الوجه غلطان
انا مخاولي خوين مخاويك
لياهرجوا بالمدح بفلان وفلان
وجالك مجال(ن)قام كل(ن) يحييك
ياعزمن لك في مدى العمر صدقان
الله من كل الصواديف يحميك
وياعزمن يعتز في قوم ركان
وسليل ايام اللي من العز ترويك
اهل الشجاعه ماضي الوقت ولان
واللي لضخمات المراجل مماليك
ولو الزمن اخلف مذاهب وعربان
مالحقهم بالطيب والعز تشكيك
مزبان من جاهم من الوقت منهان
اليا ضهدوه مع الزمان الصعاليك
جيتك بذكر المرجله ياكحيلان
والله يعزك بالمراجل ويغنيك
في مطلب(ن)ماهو بعدنك ولاكان
بالجاه والتقدير والطيب ياتيك

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين