أجتاحني جيش الهواجيس

أجتاحني جيش الهواجيس وضنون.
من كل فج اسرابها هاجموني

وقت المسا تبني لها عندي احصون.
وترسل علي قواتها يأسروني

مع الغياب وعتمة الليل ياتون
في موعد ٍ عن صاحبه يسئلوني

واغيب عن واقع حياتي على هون.
لوما احساسي كان مايطلقوني

أسيرمن دون العقل كان تدرون.
والناس ماتعذر ولايرحموني

الشاهد الله فيكم اصبحت مفتون.
حتى غدافيكم هيامي جنوني

اسري مع الأشواق ياصافي اللون
الليل كله ساهره ياشجوني

بعدالأسرمن هاجسي لوتطلون.
فرحة غرير بشوفة ام ٍحنوني

بعدالغياب وشافها صبه اجنون.
وكل ممسكوا كفه يقول اتركوني

وهي قلبهامثله بعد حيل محزون.
كم جرحوها خايبين الضنوني

اناترا مثل أشتياقه لها اكون.
وهي عارفه كل الغلا ولاتهوني

حتى عيوني غيرها مايشوفون
همت بجمال الفاتنة ياعيوني

الي غلاها أثرابجوفي أطعون.
حتى بديت اشكي مدامي طعوني

يالي تلوموني كفا لاتلومون.
ولابعدلومواعلي واعذلوني

ماني بسامع وأعلموا لوتسبون.
من معدنه كل ٍ كلامه يكوني

من الجوهرالجوهرمصفى ومكنون.
ومن الذهب تلقى الذهب كل لوني

ومن التنك تلقى مصدي ومدفون.
الناس معدن كل من له زبوني

أجتاحني جيش الهواجيس تكفون.
ياعاذ ليني مالكم في شئوني