مابين مااقوله ومابين اقوله - خلف المهيلان

خطرعلى بالي سؤال ٍ تقادم
مابين مااقوله ومابين اقوله

شفتك خيال ٍ كنه الغيم رادم
وجسم(ن)تمخطرفوق شوفي نحوله

ياحوى شوقك متعبن خافق ادم
وإلى خذا تنفس الصبح توله

من نفحة إنفاسك بكثفه تصادم
وصارت فرشات الزهرجمع حوله

غنيت بك موال ماني بنادم
وغصن الوله بالقلب مال بذبوله

الحب يبني والجفاء الشرس هادم
حاول وحاول لاتصعب سهوله

والقلب شيخ الود والنبض خادم
لا توقف الشريان واعرف ميوله

مالله خلق مثلك بكثر الا وادم
والحب فطره والغلا ياقبوله

إلى تقادم وسط قلب ٍتقادم
لون حساد البشر وقفوله

وغيم المحبه لاترادم ترادم
وقلب ٍ يصفق له وقلب ٍيهوله

© 2024 - موقع الشعر