ما تعودت انّي اكذب والصحيح اعدّه

ما تعودت انّي اكذب والصحيح اعدّه ~
والمجامل لاهو من طبعي ولا بسلوبي ..

يوم عزّم بالمفارق ما قدرت اردّه !؟
لين جاني والتفت يمّي ووقّف صوبي !!

قال : انا ببقى احبّك لو تطول المدّه !؟
والله انّي اعتبر حبّك اعزّ ذنوبي !!

قلت : ما احب المفارق والجفا والصدّه !؟
قال : انا وقت المفارق دمعتي عذروبي !!

انتظرته لين هلّت دمعته في خدّه !؟
والله انّه وقتها ضيّق عليّه ثوبي !؟

قلت : لو تسمح تروح الحب ما احنا قدّه !؟
والغلا من بعد حبّك ما يقوّب صوبي ~

والله انّي بالغلا والحُب مالي شدّه !؟
وانت راكبك الخطا يومك تبعت دروبي !!

ماني بيم الغلا والحب ماني ضدّه !؟
والغريب انّك عشقت وما عرفت اسلوبي !!

يوم قفّى صار يمسح دمعته في يدّه !؟
من هذاك الوقت حرّم ما يشتّ دروبي !!